للمنتخب المصري حبيب الملايين (قصيدة بالعامية المصرية )

عايزين بقى من اول تانية
فرصة تروح ماتروحش التانية
ومتفرقش معانا بنلعب
مع قليوب أو مع المانيا
ما يغركش دي جيا منين
وما يهمكش بيلعب فين
مين بتلاعب بص كويس
أنسان زيك له رجلين
خليك جامد أوعى تخاف
عمر المصري ماكان خواف
أصلك عربي وتفرق ياما
وايد برشا أو بالزاف
عايزين لعب على الجانبين
لعب يسر ويملى العين
نكسب ومايبقاش مكسبنا
با هت أو بدعا الوالدين
حتى أن هز شباكك هو
ما يهزكش كمان من جوه
العب ادي وما تنهارشي
رد وخلي الرد بقوة
أنتم أغلى وأحسن جيل
والقارات دي أهم دليل
أنتو كفاية هزمتوا أيطاليا
وأتسليتوا على البرازيل
طول ما الثقة في الله موجودة
مش ح نلاقي سكك مسدودة
ربك ح يحلها من عندو
ويفكها لو كت معقودة
لو عن سمعة مصر نزود
نعرق نبذل أقصى جهود
ونخاف بس من اللي خالقنا
أحنا اكيد ادها وادود

» كلمات اغنية وين الملايين
» قصيدة بنت ملت من الدراسه
» || لا نهاية لـــــدي || قصيدة جديدة بمناسبة تسجيلي في المنتدى !!